Bakı. Trend:
ABŞ Dövlət Departamenti Polşaya 1,33 milyard dollar dəyərində 400 ədəd AIM-120D hava-hava tipli raketin satışını təsdiqləyib.
Trend xəbər verir ki, Müqavilə ABŞ hökuməti ilə xarici ölkələr arasında hərbi texnika və silah tədarükünü tənzimləyən hökumətlərarası proqram çərçivəsində həyata keçiriləcək.
Pentaqonun Təhlükəsizlik Əməkdaşlıq Agentliyinin yaydığı məlumata görə, paketə yalnız raketlər deyil, həm də onların nəqli üçün konteynerlər, istiqamətləndirici sistem dəstləri, proqram təminatı, ehtiyat hissələri və digər yardımçı avadanlıqlar daxildir.
Bu razılaşma Polşanın hərbi hava qüvvələrinin döyüş qabiliyyətini artırmaq və NATO çərçivəsində müdafiə imkanlarını gücləndirmək məqsədi daşıyır.