Bakı. Trend:
ABŞ Dövlət katibi Marko Rubio ilə İsrailin baş naziri Benyamin Netanyahu arasında telefon danışığı baş tutub.
Trend-in məlumatına görə, söhbət zamanı dövlət katibi ABŞ-nin İsraillə tarixi münasibətlərinə sadiqliyini və İsrailin təhlükəsizliyinə sarsılmaz dəstəyini vurğulayıb.
Tərəflər Prezident Donald Trampın Səudiyyə Ərəbistanında Suriya Prezidenti Əhməd əl-Şara ilə görüşü fonunda Suriyadakı vəziyyəti müzakirə ediblər. Danışıqlarda, həmçinin İranın nüvə proqramı ətrafındakı son vəziyyət də gündəmə gəlib.