Bakı. Trend:
Bu gün İran futbol çempionatının sonuncu (30-cu) turu çərçivəsində "Traktor" növbəti oyununa çıxıb.
Trend xəbər verir ki, "Traktor" vilayət təmsilçisi "Esteqlal Xuzistan" la qarşılaşıb.
Oyun “Traktor” un 3-1 hesablı qələbəsiylə başa çatıb.
Oyundan sonra "Traktor" klubuna bu mövsüm İran çempionu olduğuna görə rəsmi şəkildə kubok təqdim olunub.
Qeyd edək ki, Təbrizin "Traktor" futbol komandası Premyer Liqanın 28-ci həftəsində Qəzvinin Şəms Azər komandası üzərində 4:0 hesabı ilə qalib gəldi və liqanın bitməsinə 2 həftə qalmış komandanın çempionluğu təsdiqləyib.