Bakı. Trend:
İran və "Avropa üçlüyü" Cenevrədə keçirilən görüşdən sonra açıq diplomatik dialoqu davam etdirmək barədə razılığa gəliblər.
Trend xəbər verir ki, bu barədə Avropa İttifaqının diplomatik xidmətinin rəhbəri Kaja Kallas açıqlama verib.
“Biz danışıqları davam etdirmək barədə razılaşdıq. Danışıqlar prosesini açıq saxlamaq olduqca vacibdir. Görüş zamanı yalnız nüvə məsələsi deyil, daha geniş gündəlik müzakirə olundu,” – deyə Kallas bildirib.
Cenevrədə baş tutan danışıqlar İranın nüvə proqramı ətrafında mövcud gərginlik fonunda keçirilib. Buna baxmayaraq, tərəflər təkcə nüvə ilə bağlı deyil, digər regional və beynəlxalq məsələlərə də toxunublar.