Bakı. Trend:
Britaniya hökuməti Rusiyanın dondurulmuş aktivlərinin faizlərindən ilk dəfə olaraq istifadə olunmaqla Kiyevə Hava Hücumlarından Müdafiə sisteminə aid 350 təkmilləşdirilmiş raket tədarük edəcək.
Trend xəbər verir ki, bu barədə “The Guardian” yazır.
Məlumata görə, Böyük Britaniya "hava-hava" sinfinə aid ASRAAM tipli raketlərin yerüstü buraxılış üçün uyğunlaşdırılmasına 70 milyon funt sterlinq (95,2 milyon dollar) xərcləyib.
İlk dəfədir ki, London dondurulmuş Rusiya aktivlərindən əldə edilən gəlirlərdən Ukraynaya hərbi tədarük məqsədilə birbaşa istifadə edir. Modifikasiya olunmuş raketlər daha əvvəl Ukrayna Silahlı Qüvvələrinə göndərilmiş səkkiz və hələ yolda olan beş ədəd “Raven” HHM sistemindən buraxılacaq.