Bakı. Trend:
Nigeriyanın şimalında baş verən ağır yol qəzasında azı 21 nəfər həyatını itirib. Kan ştatının ərazisində baş vermiş hadisə avtobusla yük maşının toqquşması nəticəsində qeydə alınıb.
Trend bu barədə Nigeriyanın “Daily Trust” nəşrinə istinadən xəbər verir.
Toqquşmadan sonra avtobusun yanmağa başladığı bildirilir. Ölənlərlə yanaşı, ağır yol nəqliyyat hadisəsində yaralananlar da olub.
Şahidlərin verdiyi ifadəyə görə, qəzaya səbəb avtobus sürücüsünün yol hərəkəti qaydalarını pozması olub.