Bakı. Trend:
İranda naməlum şəxslər Pakistan sərhədinə yaxın ərazidə yerləşən Zəhidan şəhər məhkəmə binasına atəş açıblar.
Trend bu barədə “Təsnim” xəbər agentliyinə istinadən xəbər verir.
Məlumata görə, hadisə nəticəsində beş nəfər həlak olub, 13 nəfər yaralanıb. Hücum edənlərdən üçü isə zərərsizləşdirilib. Hücumun məsuliyyətini "Ceyş əl-Ədl" ("Ədalət Ordusu") adlı qruplaşma öz üzərinə götürüb. Bu qruplaşma İranda terror təşkilatı kimi tanınır.
Sistan və Bəlucistan vilayətində baş verən hücumdan sonra hakimiyyət orqanları yerli əhalini hadisə yerindən uzaq durmağa çağırıb.