Bakı. Trend:
HƏMAS tərəfindən İsrailə təhvil verilmiş tabutda israilli girovların qalıqları olmayıb.
Trend xarici KİV-ə istinadən xəbər verir ki, bu barədə İsrailin baş naziri Binyamin Netanyahunun ofisinin bəyanatında deyilir.
“Milli Məhkəmə-Tibbi Ekspertiza İnstitutunda keçirilmiş şəxsiyyətin müəyyənləşdirilməsi proseduru başa çatdıqdan sonra müəyyən edilib ki, dünən Qəzza sektorundan gətirilmiş qalıqlar iki həlak olmuş girovdan heç birinə aid deyil”, – bəyanatda bildirilir.
Qeyd edək ki, dekabrın 2-də İsrail hərbçiləri Qəzza sektorunda daha bir tabutda qalıqlar qəbul ediblər. Tabutda Qəzzada həlak olmuş İsrailli əsirlərin qalıqlarının olduğu iddia olunurdu. Onlar İsrail ərazisinə gətirilib və identifikasiya prosedurundan keçirilib.