Bakı. Trend:
İslam İnqilabı Keşikçiləri Korpusu (SEPAH) İran qüvvələrinin hücumuna məruz qalan Amerika esmineslərinə ciddi ziyan dəydiyini bildirib.
Trend-in məlumatına görə, bu barədə korpusun dəniz komandanlığının açıqlamasında deyilib.
"ABŞ atəşkəsi pozduqdan sonra SEPAH Hərbi Dəniz Qüvvələri ABŞ esmineslərinə qarşı genişmiqyaslı əməliyyat keçirib", - deyə bildirilib.
"Kəşfiyyat məlumatları Amerika gəmilərinə ciddi ziyan dəydiyini və düşmənin ağır itki verdiyini göstərir", deyə əlavə edilib.
Bildirilib ki, hücumdan sonra ABŞ-nin üç hərbi gəmisi Hörmüz boğazını tez bir zamanda tərk edib.
