BMT-nin Təhlükəsizlik Şurasının 5 daimi üzvünün İranın nüvə problemi ilə bağlı mayın 19-na nəzərdə tutulan görüşü gələn həftəyə kimi təxirə salınıb. Bu barədə Associated Press agentliyi diplomatik mənbələrə istinadən məlumat yayıb. İclas ABŞ-ın Tehranın uranın zənginləşdirilməsi prosesinin dondurulması ilə bağlı tələblərə məhəl qoymayacağı halda qətnamənqin mətnində dəyişiklər edilməsi və saknsiyaları sərtləşdirməklə bağlı tələbləri ilə əlaqədar təxminən mayın 23 və 24-nə keçirilib. Eləcə də, təfərrüatları bu ərəfədə məlum olan Avropa Birliyinin yeni təşəbbüslərinin müzakirələri üçün də əlavə vaxt tələb olunur.
Trend in verdiyi məlumata görə, 2006-cı il mayın 16-da bir sıra KİV-də Böyük Britanyianın, Fransa və Almanyianın İrana uranın zənginləşdirilməsindən imtina etməsi müqabilində İranda yüngül su nüvə reaktorunun tikintisini təklif etməyə hazır olmaları ilə bağlı məlumatlar meydana çıxıb. Yoxlanılmamış məlumatlara görə, Avropanın "nüvə üçlüyü"nün nümayəndələri Avropa İttifaqının xarici siyasət və təhlükəsizlik məsələləri üzrə ali komiisarı Havyer Solananın rəhbərliyi ilə Tehrana təhlükəsiz reaktor təklif etməyə hazırdır. Gözlənildiyinə görə, bu proqramın müəllifləri onu mayın 19-da Londonda Rusiya və Çinin nümayəndələri ilə müzakirə edəcəklər.
Bu arada İran artıq Avropa ölkələrinin təkliflərini rədd edib. Ölkə prezidenti Mahmud Əhmədi Nejad bəyan edib: "Doğrudanmı siz, bizi qızıl müqabilində qoz və şokolad verə biləcəyiniz 4 yaşlı uşaq hesab edirsiniz?"
AB tərəfindən İranan mümkün yeni təkliflər barədə informasiya bu il mayın 14-də meydana çıxıb. Lakin Mahmud Əhmədi Nejad İranın heç bir təşəbbüsü nəzərdən keçirməyəcəyini bəyan edib. Bu barədə RBK məlumat verib.