Quş qripindən İndoneziyanın 14 yaşlı sakini vəfat edib. Bu barədə Assoşieyted Press agentliyi ölkənin Səhiyyə Nazirliyinə istinadən xəbər verir.
Yeniyetmənin virusa yoluxması təsdiq olunduqdan dörd gün sonra o vəfat edib. Bu barədə Trend RİA Novosti-yə istinadən xəbər verir.
Quş qripindən son ölüm faktı noyabrın sonunda qeydə alınıb. O zaman H5N1 virusundan Qərbi Yava əyalətinin 35 yaşlı sakini vəfat edib.
Beləliklə, İndoneziyada quş qripindən vəfat edənlərin sayı 58 nəfərə çatıb.