Bakı. Trend:
Bakıda bölgələrin incəsənət nümunələri təqdim olunacaq.
Trend-in Mədəniyyət və Turizm Nazirliyinə istinadən verdiyi məlumata görə, nazirlik tərəfindən yeni yaradılmış Bakı şəhəri, Nizami küçəsində yerləşən təsviri sənət məkanında 20-23 avqust 2016-cı il tarixində, saat 18:00-da Şamaxı rayonunun “Şirvan” folklor ansamblının, İsmayıllı rayonundan “Lahıc” folklor ansamblının, Qəbələ rayonundan “Zopu-Zopu” etnoqrafik folklor rəqs ansamblının kollektivlərinin çıxışı ilə konsert proqramı təşkil olunacaq.
Tədbirdə, həmçinin həmin bölgələrin el sənətkarlarının əl işlərinin sərgi-yarmarkası keçiriləcək.