Bakı. Samir Əli - Trend:
2020-ci ildə readmissiya tədbirlərində 68 faiz azalma qeydə alınıb.
Trend-in məlumatına görə, bunu bu gün keçirilən mətbuat konfransında Dövlət Miqrasiya Xidmətinin rəisi Vüsal Hüseynov deyib.
O qeyd edib ki, ötən il Dövlət Miqrasiya Xidmətinə readmissiya ilə bağlı 480 sorğu verilib, 145 readmissiya olub.
Karantin tədbirləri tətbiq olunan tarixdən çox məhdud sayda readmissiya həyata keçirilib: "Yalnız çarter reysləri vasitələri ilə həyata keçirilən readmissiya tədbirləri 2020-ci ilin yanvar və fevral aylarını əhatə edib. İndiyə qədər readmissiya ilə bağlı 4 647 sorğu olub. 1 914 nəfərin sorğusu müsbət cavalandırılıb, lakin geri qaytarılması həyata keçirilməyib, nəzərdə tutulur”.