...

Türkiyə nümayəndələri su ehtiyatlarından istifadə ilə bağlı Qarabağa səfər edəcək

Gündəm Materials 29 Dekabr 2021 09:55
Türkiyə nümayəndələri su ehtiyatlarından istifadə ilə bağlı Qarabağa səfər edəcək

Trend-i buradan izləyin

Bakı. Çingiz Səfərli - Trend:

Azərbaycanda işgüzar səfərdə olan Türkiyə Respublikası Kənd Təsərrüfatı və Meşəçilik Nazirliyinin Su Ehtiyatlarının İdarə Edilməsi Baş İdarəsinin direktor müavini, Su Şurasının Baş katibi Mustafa Uzunun rəhbərlik etdiyi nümayəndə heyəti ilə Ekologiya və Təbii Sərvətlər Nazirliyində görüş keçirilib.

Bu barədə Trend-ə ETSN-dən məlumat verilib.

Görüşdə su ehtiyatlarından səmərəli istifadə sahəsində mövcud vəziyyət, su təsərrüfatı və daşqınlar üzrə idarəetmənin təkmilləşdirilməsi, bu sahədə iki ölkə arasındakı birgə əməkdaşlığın genişləndirilməsi və qarşılıqlı maraq doğuran digər məsələlər ətrafında fikir mübadiləsi aparılıb.

Qeyd edək ki, səfər çərçivəsində Türkiyə Respublikasının nümayəndə heyəti ölkəmizdə yaradılan su ehtiyatlarından səmərəli istifadə üzrə Komissiyada təmsil olunan digər qurumlar ilə görüşlər keçirəcək və işğaldan azad olunmuş ərazilərə səfər edəcək.

Məqalədə:
Xəbər lenti

Xəbər lenti