Bakı. Trend:
"Rusiya Dəmir Yolları" (RDY) Azərbaycandan keçən yeni marşrut üzərindən Ermənistana ilk buğda partiyasının göndərilməsini təşkil edib.
Trend-in məlumatına görə, bu barədə Rusiya Nəqliyyat Nazirliyi xəbər verib.
"Ulyanovsk vilayətindəki Dimitrovqrad stansiyasından 1 mindən tondan çox taxıl göndərilib. Ümumilikdə 15 taxı daşıyan vaqon Azərbaycan keçib və artıq Gürcüstan-Ermənistan sərhədini keçib. Yük Cənubi Qafqaz Dəmir Yolunun Dalarik stansiyasına çatdırılacaq", - deyə bildirilib.
Bildirilib ki, yeni logistika marşrutunun təşkili Azərbaycan ərazisindən Ermənistana yük tranzitinin bərpasından sonra mümkün olub. Nazirlik əlavə edib ki, "bu, 1990-cı illərdən bəri ilk belə dəmir yolu nəqliyyatıdır".
Qeyd olunub ki, 2026-cı ilin yanvar ayının sonuna qədər bu marşrutla daha 132 vaqon buğda göndərilməsi planlaşdırılır. Nazirlik həmçinin bildirib ki, bu sxemdən istifadə edərək digər kateqoriyalı yüklərin çatdırılmasının mümkünlüyü nəzərdən keçirilir.