Azərbaycan, Bakı, 31 avqust /Trend/
Sumqayıtda xalça oğrusu tutulub.
Trend-in Daxili İşlər Nazirliyinin internet saytına istinadən verdiyi məlumata görə, Sumqayıt şəhər Polis İdarəsi əməkdaşlarının həyata keçirdikləri əməliyyat-axtarış tədbirləri nəticəsində avqustun 29-da Samir Abdullayevə məxsus mağazadan və avqustun 20-də Könül Daşdəmirovaya məxsus həyətdən ümumilikdə 4 ədəd xalça oğurlamış Təzə Corat qəsəbə sakini Adil Ağammədov tutulub.
Onun ətrafında aparılmış əməliyyat tədbirləri nəticəsində Ağammədovun avqustun 23-nə keçən gecə Sumqayıt şəhər sakini Anar Qarayevə məxsus 1 ədəd xalçanı oğurlaması da müəyyən edilib.