...

Bakı Polisi iki il öncə taksi sürücüsünə qarşı quldurluq etmiş şəxsi saxlayıb

Hadisə Materials 20 Fevral 2012 13:08 (UTC +04:00)
Bakı Polisi iki il öncə taksi sürücüsünə qarşı quldurluq etmiş şəxsi saxlayıb.
Bakı Polisi iki il öncə taksi sürücüsünə qarşı quldurluq etmiş şəxsi saxlayıb

Trend-i buradan izləyin

Azərbaycan, Bakı, 20 fevral / Trend müxbir K.Zərbalıyeva/

Bakı Polisi iki il öncə taksi sürücüsünə qarşı quldurluq etmiş şəxsi saxlayıb.

Bakı Şəhər Baş Polis İdarəsindən Trend-ə verilən məlumata görə, 2010-cu il dekabrın 28-i saat 23:00 radələrində iki naməlum şəxs 28 May küçəsində Bakı şəhər sakini Aqil Quliyevin taksi kimi idarə etdiyi "Chery-Covin" markalı avtomobilə əyləşiblər.

Arxada oturan şəxs Telnov küçəsində sürücünü iplə boğmağa cəhd edib, yanında əyləşən şəxs isə bıçaqla hədə-qorxu gələrək pul və mobil telefon tələb edib.

İstəklərinə nail olmadıqda isə sürücünü düşürüb, avtomobili sürüb gediblər.

Xətai Rayon Polis İdarəsinin və 34-cü polis bölməsinin əməkdaşlarının keçirdikləri əməliyyat tədbirləri nəticəsində quldurluqda şübhəli bilinən Bakı şəhər sakini Rəşid Osmanov fevralın 18-də tutulub, avtomobil isə Qaraçuxur qəsəbəsində tam sökülmüş vəziyyətdə aşkar edilib.

Xəbər lenti

Xəbər lenti