Azərbaycan, Bakı, 19 iyun /Trend, müxbir K.Zərbalıyeva/
Fövqəladə Hallar Nazirliyinin Aviasiya dəstəsi Xəzər dənizi üzərində təlim-məşq uçuşları keçirir.
Trend-in Fövqəladə Hallar Nazirliyinin rəsmi saytına istinadən verdiyi məlumata görə, nazirliyin Aviasiya dəstəsi tərəfindən Bakı şəhəri, Qaradağ rayonu ərazisində və Xəzər dənizi üzərində uçuş peşəkarlığının artırılması məqsədilə təlim-məşq uçuşları yerinə yetirilir.
Təlim-məşq uçuşlarında nazirliyin "Mİ-17" və "Ka-32" tipli 2 ədəd vertolyotu və "BE-200 ÇS" tipli amfibiya təyyarəsi iştirak edir.