Azərbaycan, Bakı, 25 sentyabr /Trend müxbir K.Zərbalıyeva/
Masallıda 56 yaşlı kişi qardaşının nəvəsi tərəfindən qətlə yetirilib.
Masallı rayon prokurorluğundan Trend-ə verilən məlumata görə, dünən saat 21:00 radələrində 1956-cı il təvəllüdlü Mahmudağa Mahmudov yaşadığı evin həyətində qardaşının nəvəsi, 20 yaşlı Oktay Mahmudov tərəfindən bıçaqlanıb.
O, aldığı xəsarətdən dünyasını dəyişib.
Qətlə onlar arasında yaranan mübahisə səbəb olub.
Faktla bağlı Masallı rayon prokurorluğunda Cinayət Məcəlləsinin qəsdən adam öldürmə (120.1-ci) maddəsi ilə cinayət işi başlanıb.