Azərbaycan, Bakı, 2 iyun /Trend/
Suriyanın paytaxtı Dəməşqdə baş vermiş partlayış zamanı 3 nəfər ölüb. Bu barədə Trend RBK-ya istinadən xəbər yayıb.
Məlumatda deyilir ki, hadisəni törədənlər polis məntəqəsinin yaxınlığında saxlanılmış avtomobili partladıblar.
Partlayışla bağlı məsuliyyəti "Qələbə cəbhəsi" qruplaşması öz üzərinə götürüb. Suriyada insan haqları ilə bağlı monitorinq aparan "Surian Observatory for Human Rights" mərkəzi partlayışı təsdiqləyib.
Qeyd edək ki, bu yaxınlarda "Qələbə cəbhəsi" qruplaşması BMT-nin siyahısına terrorçu dəstə kimi düşüb.