Azərbaycan, Bakı, 20 sentyabr /Trend, müxbir İlkin İzzət/
Bakıda keçmiş məhkumdan külli miqdarda narkotik vasitə götürülüb.
Bakı şəhər Baş Polis İdarəsinin mətbuat xidmətindən Trend-ə verilən məlumata görə, Suraxanı Rayon Polis İdarəsi Narkotiklərlə Mübarizə Bölməsi əməkdaşlarının keçirdikləri əməliyyat tədbirləri nəticəsində Əmircan qəsəbəsi sakini Zakir Hacıağayev saxlanılıb. Z.Hacıağayevin Q.Qarayev küçəsindəki evindən 2 kiloqramdan artıq marixuana, həyətindən isə 6 ədəd, ümumi çəkisi 350 qram olan çətənə kolu aşkar edilib.
Qeyd edək ki, Z.Hacıağayev əvvəllər də məhkumluq həyatı yaşayıb.