Bakı. Trend:
Yevlax rayonunda ağır yol qəzası baş verib.
Trend Daxili İşlər Nazirliyinin saytına istinadən xəbər verir ki, iyulun 30-da saat 17 radələrində Yevlax rayonunun Xaldan kəndində Ağdam rayon sakini Elgiz Şükürovun idarə etdiyi “Tavriya”, Şəki rayon sakini İlqar Məmmədovun idarə etdiyi “KamAZ” və Oğuz rayon sakini Nuru İbrahimovun idarə etdiyi “QAZ-24” markalı avtomobillər toqquşub. Nəticədə E.Şükürov və sərnişini Azər Məmmədquliyev hadisə yerində ölüblər.
Baş İstintaq və Təhqiqat İdarəsi tərəfindən araşdırma aparılır.