...

Bakı sakininin sığorta kartından 2000 manatdan çox pul oğurlanıb

Hadisə Materials 19 Aprel 2019 16:16 (UTC +04:00)
Bakı sakininin sığorta kartından 2000 manatdan çox pul oğurlanıb
Bakı sakininin sığorta kartından 2000 manatdan çox pul oğurlanıb

Bakı. Trend:

Bakı sakininin sığorta kartından 2000 manatdan çox pul oğurlanıb.

Daxili İşlər Nazirliyindən (DİN) Trend-ə verilən məlumata görə, Salyan Rayon Polis Şöbəsinə müraciət edən Bakı şəhər sakini T.Əzimov 2018-ci ilin iyul ayının 16-da hesabında 2164 manat olan sığorta kartını Bakı şəhəri ərazisində itirdiyini və həmin məbləğin hesabından çıxarılaraq oğurlandığını bildirib.

Müraciətlə əlaqədar dərhal müvafiq araşdırmalar aparılıb və həmin məbləğin Salyan rayonu ərazisindəki bankomatların birindən çıxarıldığı müəyyən edilib.

DİN-in Baş Cinayət Axtarışı İdarəsi və Salyan Rayon Polis Şöbəsi əməkdaşlarının keçirdikləri əməliyyat-axtarış tədbirləri nəticəsində bu cinayət əməlini törətməkdə şübhəli bilinən Bakı şəhər sakini V.Zeynalov saxlanılıb.

Faktla əlaqədar Cinayət Məcəlləsinin 177-ci (oğurluq) maddəsi ilə cinayət işi başlanılıb.

Məqalədə:
Xəbər lenti

Xəbər lenti