Bakı. Samir Əli - Trend:
Lerikdə istirahət mərkəzində ölüm hadisəsi baş verib.
Lerik rayon prokurorluğundan Trend-ə verilən məlumata görə, hadisə bu gün saat 18 radələrində Lerik rayonu ərazisində 'Relax' istirahət mərkəzində baş verib. Mərkəzdə çayçı işləyən, Lənkəran rayonu Təngivan kənd sakini, 1980-ci il təvəllüdlü Sücayev Anar Hüseyn oğlunun meyiti işlədiyi çayxanadan təqribən 20 metr aşağıda axan dağ çayında aşkar olub. Lerik rayon prokurorluğunun əməkdaşları tərəfindən hadisə yerinə və meyitə baxış keçirilib.
Anar Sücayevin ölüm səbəbinin dəqiqləşdirilməsi məqsədilə məhkəmə-tibb ekspertizası təyin olunub. Faktla bağlı Lerik rayon prokurorluğunda araşdırma aparılır.
İctimaiyyətə ətraflı məlumat veriləcəkdir.