Bakı. Trend:
Milli Hidrometeorologiya Xidmətinin iyunun 22-si saat 11:00-a
olan məlumatına əsasən ölkə ərazisində yağan intensiv yağıntılarla
əlaqədar İsmayıllı rayonu ərazisindən axan Göyçayda, Girdımançayda,
Ağsu rayonu ərazisindən axan Ağsuçayda, Qobustan rayonu ərazisindən
axan Pirsaatçayda sululuğun artımı davam edir. Digər çaylarda isə
nisbətən azalma müşahidə olunur.
Milli Hidrometeorologiya Xidmətinin Hidrologiya Mərkəzinin
direktoru Asif Verdiyev Trend-ə bildirib ki, hazırda Şabran rayonu
ərazisindən axan Gilgilçaydan sel keçməsi davam edir.
"Avtomat stansiyalar vasitəsilə çaylarda suyun səviyyəsi mütəmadi izlənilir".