Bakı. Trend:
İyunun 26-da paytaxtın Nərimanov rayonunda 2000-ci il təvəllüdlü Kosayev Tural Kamil oğlunun odlu silahla qətlə yetirilməsi barədə polisə məlumat daxil olub.
DİN-in Mətbuat Xidmətindən Trend-ə bildirilib ki, cinayət əməlini törətməkdə şübhəli bilinən 2005-ci il təvəllüdlü Allahverdiyev İsmayıl İbrahim oğlu polis əməkdaşları tərəfindən keçirilən tədbirlərlə saxlanılıb.
Hadisə şəxsi münasibətlər zəminində baş verib.
Araşdırma aparılır.
xxx
21:42
Bakıda gənc oğlan güllələnərək qətlə yetirilib.
Trend-in məlumatına görə, hadisə paytaxtın Nərimanov rayonunda qeydə alınıb.
Hadisə məşhur alış-veriş və əyləncə mərkəzinin qarşısında baş verib.
DİN-in Mətbuat Xidmətindən bildirilib ki, bir nəfəri odlu silahdan açılan atəşlə qətlə yetirməkdə şübhəli bilinən şəxs saxlanılıb.