Azərbaycanın Mədəniyyət və Turizm Nazirliyi oktyabrın 25-dən 31-dək ümumrespublika mədəni-siyasi aksiyası - "Unudulmaz Qarabağ" adlı incəsənət həftəsi keçirəcək. Bu barədə Trend ə nazirlikdən məlumat verilib.
Tədbirdə məqsəd gənclərdə vətənpərvərlik hissinin artırılması, Qarabağ mövzusunun təbliğindən ibarətdir.
Tədbirlər proqramına Bakı, Gəncə və ölkənin digər iri şəhər və rayonlarında teatr tamaşalarının, sərgilərin, kitab yarmarkalarının keçirilməsi daxildir. Bundan başqa, uşaq musiqi kollektivinin çıxışları, Şuşa Dövlət Dram, Dövlət Gənc Tamaşaçılar və Patomima teatrları truppalarının hərbi hissələrə qastrolları olacaq.