...

Ermənistanın müdafiə naziri: Qarabağ münaqişəsinin tənzimlənməsi hamı üçün ağrılı olacaq

Ermənistan-Azərbaycan münaqişəsi Materials 2 Dekabr 2006 11:54 (UTC +04:00)

Qarabağ münaqişəsinin tənzimlənməsindən sonra belə, erməni-azərbaycanlı problemi, çətin ki, öz həllini tapa. Bunu Ermənistan Milli Məclisinin tribunasından Ermənistan prezidenti yanında Milli Təhlükəsizlik Şurasının katibi Serj Sarkisayn bəyan edib.

Armİnfo-ya istinadən Trend bildirir ki, Ermənistan və Azərbaycan prezidentləri Robert Köçəryan və İlham Əliyevin Minskdə keçirilən son görüşünə toxunaraq nazir bildirib ki, tərəflərin görüşünün müsbət qiymətləndirməsinə baxmayaraq, həm bu, həm də bundan sonrakı görüşlərdə, əlbəttə ki, çətinliklər olacaq. "Qarabağ münaqişəsinin tənzimlənməsi hamı üçün ağrılı olacaq, biz güzəştlər barədə danışanda bunu nəzərdə tuturduq. Əgər bu, asan məsələ olsaydı, münaqişə çoxdan həll olunmuşdu" - deyən

S.Sarkisyan əlavə edib ki, münaqişənin tənzimlənməsinin konkret tarixi barədə fikir söyləmək düz olmaz.

Şimal Atlantika Alyansının Cənubi Qafqaz ölkələrinin ərazi bütövlüyünü tanıması barədə NATO sammitinin bəyanatını şərh edərək S.Sarkisyan bildirib ki, tamamilə təbii bir bəyanatdır. "Hər hansı bir beynəlxalq struktur və ya ölkə bu və ya başqa dövlətin ərazi bütövlüyünü tanımadığını necə deyə bilər ki? Məgər Ermənistan nə vaxtsa hansısa bir ölkənin, o cümlədən Azərbaycanın ərazi bütövlüyünü tanımaqdan imtina edibmi?" - deyə nazir bildirib.

Xəbər lenti

Xəbər lenti