Azərbaycan, Bakı, 28 aprel / Trend , müxbir S.İlhamqızı/ Bakıda səfərdə olan Avropa Şurası Nazirlər Komitəsinin sədri, Slovakiyanın xarici işlər naziri Yan Kubiş bu gün müxalifət partiyalarının rəhbərləri ilə görüşüb.
" Trend un məlumatına görə, görüşdə Azərbaycan Naminə İctimai Forumun rəhbəri Eldar Namzov, Azərbaycan Liberal Partiyasının sədr əvəzi Əvəz Temirxan, Ümid Partiyasının sədri İqbal Ağazadə, Demokratik İslahatlar Partiyasının sədri Asim Mollazadə, Azərbaycan Xalq Cəbhəsi Partiyasının sədri Əli Kərimli, Müsavat Partiyası fuknsioneri Arif Hacılı iştirak ediblər.
Kərimli jurnalistlərə açıqlamasında bildirb ki, görüşdə müxalifət təmsilçiləri Azərbaycanın Avropa Şurasına qəbul olduğu 8 il ərzində Avropa standartlarına yaxınlaşmadığını deyiblər. "Bildirdik ki, bu illər ərzində Azərbaycan azad olmayan ölkəyə çevrilib. Bü müddətdə ölkədə sərbəst toplaşmaq azadlığı qadağan olunub, siyasi partiyalar öz qərargahlarını itiriblər, regionlarda hər hansı siyasi fəaliyyət yoxdur, azad mətbuatının susdurulması kampaniyası aparılır, siyasi məhbuslar məsələsi həllini tapmayıb. Belə bir şəraitdə azad seçki üçün də zəmin yoxdur"-deyə Kərimli bildirib.
Onun sözlərinə görə, müxalifət təmsilçiləri qeyd ediblər ki, Azərbaycan hakimiyyəti Avropa Şurası strukturlarının tövsiyələrini də yerinə yetirmir və bu da Azərbaycana olan inamı sarsıdır.
Müəlliflə əlaqə saxlamaq üçün elektron ünvan - [email protected]
