...

Toxunulmazlıq İtaliya Baş nazirinin cəzasızlığını yalnız təxirə sala bilər

Siyasət Materials 24 İyul 2008 19:29 (UTC +04:00)

Azərbaycan, Bakı, 24 iyul/ Trend , müxbir V.Javronkova, E.Tariverdiyeva/ İtaliyanın Baş naziri Silvio Berluskoniya toxunulmazlıq hüququnun verilməsi onun məhkəmə təhqiqatından qaça biləcəyinə zəmanət vermir.

"Toxunulmazlıq məmurların sakit gələcəyinə kifayət zəmanət hesab oluna bilməz, belə ki Berluskoninin mandatı başa çatdıqdan sonra ona qarşı məhkəmə araşdırmaları bərpa olunacaq", - İtaliya üzrə amerikalı ekspert Federika Bindi (Federiga Bindi) hesab edir.

İtaliya parlamentinin qəbul etdiyi sənədə əsasən, keçmişdə dəfələrlə məhkəməyə cəlb edilən ölkənin Baş naziri Berluskoni, həmçinin, prezident və parlamentin iki palatasının spikerləri məhkəmə toxunulmazlığı hüququ alıblar. Qanun bu həftə qəbul edilib.

Son illərdə İtaliyanın Baş nazirinə qarşı ondan çox cinayət işi qaldırılıb. Sonuncu iş ötən ilin dekabrında olub. O zaman Neapol prokuroluğu Berluskoniyə qarşı korrupsiyada şübhəli bilinmə ittihamı üzrə cinayət işi qaldırıb. İtaliya nəşrlərinin məlumatına əsasən, bu əhvalat sərhəddən kənarda "qara fondların" yaradılması hallarının təhqiqatı zamanı təsadüfən üzə çıxıb.

"Toxunulmazlıqlarına baxmayaraq, onlar gec - tez məhkəmə qarşısında dayana bilərlər. Beləliklə, Qanun dörd vəzifəli şəxsin qanunsuz fəaliyyət göstərməsi üçün onlara hər hansı bir əlavə stimul yaratmamalıdır", - Trento Universitetinin (İtaliya) siyasi elmlər professoru Vinsent Della Sala (Vincent Della Sala) cümə axşamı elektron poçtla Trend -a bildirib.

Bindinin sözlərinə görə, toxunulmazlığın verilməsi ilə heç bir qanunsuz hərəkət olmayacaq.

"Baş nazir Silvio Berluskoni və daha üç yüksək vəzifəli şəxsə toxunulmazlığın verilməsi onların qanunsuz hərəkətlərinə səbəb olmayacaq", - İtaliyanın Brookings institution Proqramının direktoru Federika Bindi (Federiga Bindi) cümə axşamı elektron poçtla Trend -a bildirib.

Onun sözlərinə görə, digər cinayətlər kimi, korrupsiya da heç bir şəkildə toxunulmazlıqla bağlı deyil. Berluskoni əvvəllər korrupsiyada ittiham edilibsə, bu onun günahkar olması demək deyil, - Bindi hesab edir.

İtaliyalı ekspert Della Sala hesab edir ki, yüksək vəzifəli məmurlar vəzifədə olduqları müddətdə məhkəmə təhqiqatına məruz qalmırlar və mövqelərini tərk etdikdən sonra ittihamlarla qarşılaşa bilərlər.

Della Sala hesab edir ki, bir müddət əvvəl qəbul edilən Qanun demokratiya üçün hansısa böyük təhlükəni özündə gizlətmir.

"Bu İtaliya demokratiyası üçün mütləq geriyə addım deyil, lakin bu kimin və nəyin siyasi hakimiyyətinin yoxlanılması və balanslaşdırılmasını təmin edəcəyi ilə əlaqədar narahatlığı gücləndirir", - Della Sala bildirib. Onun sözlərinə görə, vəzifəli şəxslər onsuz da ittihamlarla qarşılaşmalı olacaqlar və buna görə də məhkəmə orqanları icraedici və qanunverici hakimiyyətin səlahiyyətlərinin yoxlanılmasında öz rollarını oynamaqda davam edəcəklər.

Bindinin sözlərinə görə, İtaliyada toxunulmazlıq yeni bir şey deyil və bununla əlaqədar, bunun xüsusi olaraq Berluskoni üçün edildiyini söyləmək olmaz.

"İtaliyada toxunulmazlıq ötən əsrin doxsanıncı illərindən mövcud olub, sonra ləğv edilib. Belə ki, parlamentin üzvü olmaqla, çox asan şəkildə toxunulmazlıq almaq olardı", - Bindi hesab edir.

Della Sala, həmçinin, hesab edir ki, hazırki hökumət uzun müddətdir ki, 1990-cı illərin korrupsiya böhranınadək olduğu kimi bütün parlament üzvləri üçün toxunulmazlığın təkrar tətbiqini istəyib.

"Hələlik sistemin təkrar tətbiqi üçün konkret addımlar zəruridir. Bu sistemə müvafiq olaraq, ittihamçı parlamentin üzvlərindən birinə qarşı ittihamın irəli sürülməsi üçün onun razılığını istəməlidir", - italiyalı ekspert əlavə edib.

Kabinet tərəfindən təklif edilən toxunulmazlıq haqqında qanun layihəsi parlamentin təqdirini alıb. Lakin səsvermədən əvvəl qızğın müzakirələr olub. Skeptiklər iddia edirlər ki, sənəd Berluskoninin korrupsiyada çoxsaylı ittihamlar üzrə cəzadan qaça bilməsi üçün xüsusi olaraq hazırlanıb. Berluskoni qəti şəkildə belə gümanları rədd edir.

"Korrupsiya, toxunulmazlıqdan asılı olmayaraq, parlament və hökumətin daxilində və ya xaricində mövcud ola bilər", - Bindi bildirib.

Müəlliflə əlaqə saxlamaq üçün elektron ünvan - [email protected]

Xəbər lenti

Xəbər lenti