...

İran parlamentində çoxarvadlılıq haqqında Qanunun qəbulu ölkədə xaos yaradacaq- hüquq müdafiəçisi

Siyasət Materials 23 Avqust 2008 12:41 (UTC +04:00)

Azərbaycan, Bakı, 23 avqust / Trend / T. Cəfərov / İran Parlamentində müzakirə olunan "Ailəyə dəstək" layihəsi təsdiq olunarsa, ictimaiyyətdə əxlaqsızlığın geniş yayılması ehtimalını gücləndirir.

"Əslində, bu layihə "Ailəyə dəstək" layihəsi deyil, ailənin təməlini dağıdan və ictimaiyyətdə əxlaqsızlığın yayılmasına rəvac verəcək bir plandır" - deyə, Beynəlxalq İnsan Haqları Federasiyasının sədr müavini Əbdülkərim Lahici Trend - a bildirib.

İran prezidenti Mahmud Əhmədinejad 2007- ci ilin avqustunda "Ailəyə dəstək" layihəsini Parlamentə təqdim edib. Layihənin 23 - cü maddəsi evli kişilərə təkrar evlənməyə imkan yaradır. Layihə, kişilərə maliyə problemləri olmamaq şərtilə, başqa qadınla evlənməyə icazə verir. Layihədə evli kişilərin müvəqqəti nigahın (siğə) rəsmi qeydiyyatının vacib olmaması qeyd olunub.

Lahici bildirib ki, İranın qadın haqları müdafiəçiləri "Ailəyə dəstək" layihəsinin təsdiqinin qarşısını almaq üçün imzatoplama kampaniyasına başlayıblar və hətta ölkə xaricində fəliyyət göstərən bir çox elmi, siyasi və mədəni şəxsiyyətlər də bu kampaniyaya dəstək veriblər.

Onun sözlərinə görə, İranın daxilində imzatoplama kompaniyası, hakimiyyət tərəfindən təzyiqlərə məruz qalıb. "İranlı xanımlar imza toplamaqla, parlamentə göndərilən bu layihənin təsdiq olunmsının qarşısını almağa çalışır, amma təəssüf ki, hakimiyyət xalqın istəyinə rəğmən, bu layihənin parlamentdə təsdiq olunmasına səy göstərir" - deyə hüquq müdafiəçisi Lahici şənbə günü Fransadan telefonla bildirib.

"Bərabərlik üçün dəyişək", "Feminizm məktəbi", "Qadınlar meydanı" hərəkatları, həmçinin, İranlı qadınlar mərkəzi, Tələbə təşkilatı olan "Təhkim Vəhdət" təşkilatının qadınlar komissiyası, "Sülh anaları" cəmiyyəti, "İslahatçı qadınlar birliyi", "İran qadın jurnalistləri birliyi", İran Tələbə Təşkilatının İnsan haqları Komitəsi, İranın İnsan haqları Komitəsi və bir çox təşkilatlar bu layihənin İran Parlamentində təsdiq olunmaması üçün 2200 imza toplayablar.

2003 - cü ilin Beynəlxalq Sülh Nobel mükafatçısı Şirin Ebadi bildirib ki, İran parlamenti "Ailəyə dəstək" layihəsini təsdiq etsə, parlamentin qarşısında oturaq aksiyaya başlayacaq.

Ebadi İranlı kişilərə bir neçə qadınla evlənməyə şərait yaradan bu layihəni pisləyərək bildirib ki, layihənin təsdiqi ictimaiyyətdə əxlaqsızlığın yayılmasına səbəb olacaq.

Lahici bildirib ki, İran parlamentində çoxluq təşkil edən Əhmədinejadın tərəfdarları bu layihəyə səs verəcəklər.

Müəlliflə əlaqə saxlamaq üçün elektron ünvan [email protected]

Xəbər lenti

Xəbər lenti