Azərbaycan, Bakı, 17 noyabr / Trend , müxbir S.Kazımlı / Bakının Qaradağ rayonunda ər həyat yoldaşın qətlə yetirdiyi üçün tutulub.
Bu barədə Qaradağ rayon Prokurorluğundan bazar ertəsi Trend -a məlumat verilib.
Məlumata görə, noyabrın 16-da saat 16:00 radələrində Puta qəsəbəsinin ərazisində məskunlaşan Füzuli sakini 36 yaşlı Rəfail Cəbi oğlu Mahmudlu münaqişə zəminində həyat yoldaşı Esmira Mahmudlunu bıçaqla qətlə yetirib.
Hadisədən sonra polis əməkdaşları tərəfindən həyata keçirilən tədbirlər nəticəsində R.Mahmudlu tutulub.
Hadisənin baş vermə səbəbləri hələlik dəqiq bilinmir. Hadisənin qisqanclıq zəminində baş verməsi ehtimal edilir.
Faktla bağlı Qaradağ rayon Prokurorluğunda Azərbaycan Cinayət Məcəlləsinin qəsdən adam öldürmə, yəni digər şəxsi qəsdən həyatdan məhrum etmə (120.1-ci) maddəsi ilə cinayət işi başlanılıb, istintaq aparılır.
Məqalə müəllifi ilə əlaqə ünvanı:[email protected]