Gürcüstan, Tbilisi, 18 iyun / Trend , müxbir N.Kirsxaliya /
Avropa İttifaqının Cənubi Qafqazda xüsusi nümayəndəsi Piter Semnebi iyunun 15-də Tbilisi Baş Polis İdarəsi binası qarşısında baş vermiş hadisəni "yolverilməz" adlandırır. "İki tərəf bir-birinə hörmət etməyi bacarmalıdır. Ümid edirəm ki, bu kimi hadisələr təkrarlanmayacaq", - Semnebi qeyri-parlament müxalifəti ilə görüşdən sonra bəyan edib.
Semnebi konstitusiya komitəsinin yaradılmasını da vacib adlandırıb. O qeyd edib ki, konstitusiya komissiyasının yaradılmasının vacibliyini Gürcüstanın Venetsiya komissiyasına keçməsinə hazırlaşması da təsdiqləyir.
Semnebi, həmçinin Avropa İttifaqı missiyasının Gürcüstandakı roluna da toxunub. "Sentyabrın 30-dan sonra missiyanın mandatının necə uzadılacağı barədə müzakirələr gedir, belə ki, mandatın müddəti sentyabrın 30-da bitir. Avropa İttifaqı böyük məsuliyyət daşıyır və Gürcüstanda missiyanın rolunun gücləndirilməsi vacibdir", - deyə o, qeyd edib.
Məqalə müəllifi ilə əlaqə ünvanı: [email protected]