Türkiyənin cənubunda baş verən avtomobil qəzasında doqquz nəfər həlak olub, bir nəfər isə yaralanıb. Bu barədə Türkiyənin Anadolu agentliyi xəbər verir.
Faciə Mersin və Tarsusun dağlıq ərazisində cümə axşamı səhər iki avtomobilin toqquşması nəticəsində baş verib. Səkkiz nəfər yerindəcə həlak olub, iki nəfər ağır yaralı vəziyyətdə yaxınlıqdakı xəstəxanaya çatdırılıb. Qan itirməsi nəticəsində yaralılardan biri xəstəxanada keçinib.