Azərbaycan, Bakı, 26 aprel /Trend, müxbir E.Tarıverdiyeva/
Vaşinqton "Manas" daşıma mərkəzinin Qazaxıstanın növbəti hökuməti tərəfindən bağlanılması imkanlarından narahat deyil. "The Heritage Foundation"un (ABŞ) Rusiya, Avrasiya və beynəlxalq enerji təhlükəsizliyi məsələləri üzrə aparıcı eksperti Ariel Koen belə hesab edir.
"Exo Moskvı"nın verdiyi xəbərə görə, ABŞ dövlət katibi Hillari Klinton deyib ki, ABŞ Qazaxıstan ərazisində "Manas" aviabazasının saxlanılımasına dair Qırğızıstanın yeni hakimiyyətindən təminat alıb.
"Bu gün biz aviabazaya çıxışla bağlı problem görmürük", - Hillari Klinton deyib. O həmçinin əlavə edib ki, bu məsələ Vaşinqtonun qarşılıqlı anlaşdığı Moskva ilə də müzakirə olunub.
Dövlət katibi xatırladıb ki, Rusiya qoşunların öz hava məkanı vasitəsilə Əfqanıstana daşınmasına icazə verib. "Onlara öz ərazisindən istifadə etmək imkanı verib, ABŞ-ın "Manas"a çıxış hüququnu dəstəkləməməsi mənasız olar", - Klinton vəziyyəti şərh edərək deyib.
"Dövlət katibi Klintonun diqqəti ABŞ üçün gələcəkdə vacib olan bu bazaya yönəltməsi çox yaxşıdır", - Koen hesab edir.
"Qırğızıstanda vəziyyət son dərəcə qeyri-stabildir", - ekspert hesab edir.
"Çox ehtimal ki, yaxın gələcəkdə Qırğızıstanın bütün siyasi və konstitusion sistemi dəyişiləcək. Ölkəyə kimin rəhbərlik edəcəyi barədə əvvəlcədən demək çətindir, lakin açıq görünür ki, biz Qırğızıstanda hakimiyyət uğurunda mübarizənin şahidi olacağıq", - Koen telefon vasitəsilə Vaşinqtondan Trend-ə deyib.
"Ola bilsin, hakimiyyətə Moskva tərəfindən dəstəklənən anti-Amerika qüvvələri gəlsin", - ekspert hesab edir.
