Azərbaycan, Bakı, 22 may /Trend, müxbir S.Süleymanov/
Şanxay Əməkdaşlıq Təşkilatı (ŞƏT) Əfqanıstanda vəziyyətin sabitləşməsinə daha fəal qoşula bilərdi. ATƏT-in fəaliyyətdə olan sədri, Qazaxıstanın dövlət katibi - xarici işlər naziri Kanat Saudabayev belə hesab edir.
"ŞƏT Kabilə zəruri yardım və köməyin göstərilməsi üzrə sabitləşdirmə mexanizminin yaradılması vasitəsilə Əfqanıstanda vəziyyətin normallaşması prosesinə daha fəal qoşula bilərdi", - Saudabayev şənbə günü ŞƏT üzvü olan dövlətlərin Xarici İşlər Nazirləri Şurasının iclasında bildirib.
Onun sözlərinə görə, bunun üçün ŞƏT - Əfqanıstan əlaqə qrupunun işini fəallaşdırmaq, əfqan tərəfi ilə əlaqə qurmaq üçün ŞƏT regional antiterror strukturunun İcraiyyə Komitəsinin imkanlarından hərtərəfli istifadə etmək, Əfqanıstana dair Moskva beynəlxalq konfransının yekunları üzrə qəbul edilmiş sənədlərin praktik olaraq həyata keçirilməsi, əfqan mövzusu üzrə Kollektiv Təhküləsizlik Müqaviləsi Təşkilatı (ODBK) ilə birgə tədbirlərin keçirilməsinə təşəbbüs göstərmək məqsədəuyğundur.
Saudabayev deyib ki, sülhün, təhlükəsizliyin və sabitliyin təmin olunması həmişə qurumun fəaliyyətində əsas yeri tutub.
Onun sözlərinə görə, bu ölkədə sabitliyin və sülhün bərpası, Mərkəzi Asiya regionunda təhlükəsizliyin təminatı marağından problemlərin birgə həlli imkanlarının olmasına baxmayaraq, hazırda bu istiqamətdə qurumun fəaliyyəti sistemsiz xarakter daşıyır.
"Ciddi müzakirələr Əfqanıstana ŞƏT-lə dialoq üzrə tərəfdaş olmaq statusu verilməsinin mümkünlüyü barədə katibliyin təklifinə layiqdir ki, bu da Kabillə təşkilatın yalnız bu ölkənin prezidentinin Dövlət Başçıları Şurasını iclaslarında qonaq qismində iştirakı ilə məhdudlaşan əlaqələrinin sistemləşdirilməsinə yardım edərdi", - Saudabayev deyib.
ATƏT sədri öz çıxışında qeyd edib ki, Qazaxıstan tərəfi Özbəkistan Respublikasının sədrliyinin yekunlarını yüksək qiymətləndirir. Həmin dövrdə ŞƏT-in prosedur qaydaları və yeni üzvlərin qəbul qaydaları haqda nizamnamə kimi mühüm sənədlər hazırlanıb, ŞƏT və BMT katiblikləri arasında əməkdaşlıq haqda birgə Bəyannamə imzalanıb.
"Qazaxıstan münaqişələrin qarşısının alınması və həll olunması üzrə səmərəli beynəlxalq mexanizmlərə çox zəruri tələbatın olduğunu aşkara çıxaran qardaş Qırğızıstandakı vəziyyətlə bağlı narahat olmaya bilməz", - o deyib.
Onun fikrincə, ŞƏT öz məsuliyyət zonasında belə vəziyyətlərin nizamlanması üçün siyasi-diplomatik vasitələrdə daha fəal iştirak etməli və göstərilən məqsədlər üçün təşkilat digər beynəlxalq strukturlarla sıx qarşılıqlı əlaqə saxlamalıdır.
