Gürcüstan, Tbilisi, 31 may /Trend, müxbir N.Kirsxaliya/
Yerli seçkilərin ilkin nəticələrinin elan olunmasından sonra Milli Şura müxalifət qüvvələrinə məsləhətləşmələrə başlamağı təklif edir. Bu haqda dünən gecə brifinqdə Milli Şuranın nümayəndəsi Kaxa Kukava bəyan edib.
Onun sözlərinə görə, seçkilərin nəticələri birgə təhlil ediləcək və gələcək fəaliyyətin strategiyası planlaşdırılacaq.
Həmçinin, Milli Şura Mərkəzi Seçki Komitəsinin Tbilisi üzrə keçirilən seçkilərin nəticələrini səhərə qədər açıqlamağa çağırıb. Kukavanın sözlərinə görə, paytaxt üzrə ilkin nəticələrin vaxtında elan edilməsi onların obyektiv olması və saxtalaşdırılması şanslarının azalmasının müəyyən bir qarantına çevriləcək.