Аzərbaycan, Bakı, 2 oktyabr /Trend/
Ermənistan Prezidenti Serj Sarkisyan David Tonoyanın Ermənistan müdafiə nazirinin birinci müavini təyin olunması barədə fərman imzalayıb. Bu barədə "Mediamaks" agentliyi prezidentin mətbuat-xidmətinə istinadən məlumat verib.
2007-ci ildən David Tonoyan Ermənistan Müdafiə Nazirliyinin müdafiə siyasəti idarəsinə rəhbərlik edib. 1992-1994-cü illərdə Ermənistan Daxili İşlər Nazirliyində, 1994-cü ildən isə Ermənistan Silahlı Qüvvələrinin bölmələrində xidmət edib.
Ermənistan Prezidentinin digər fərmanına əsasən, general-mayor Vladimir Qasparyan Müdafiə Nazirliyinin hərbi polis rəisi vəzifəsindən azad olunaraq müdafiə nazirinin müavini təyin olunub.
Məqalə müəllifi ilə əlaqə ünvanı news@trend.az
Bizi Twitter-dən izləyin @trend_az
Trend-in ən mühüm və maraqlı xəbərlərini "Telegram"da izləyin
