Milli Məclis Naxçıvan MR-in iqtisad məhkəməsinin ləğv olunması barədə dəyişikliyi birinci oxunuşda qəbul edib

Azərbaycan, Bakı, 6 may /Trend, müxbir M.Əliyev/

Azərbaycan Milli Məclisi Naxçıvan Muxtar Respublikasının Konstitusiyasına MR-in iqtisad məhkəməsinin ləğv olunması barədə dəyişikliyi qəbul edib.

Trend-in məlumatına görə, Parlamentin cümə günü keçirilən iclasında NMR-in Konstitusiyasına dəyişiklik birinci oxunuşda təsdiq edilib.

Konstitusiyanın 45-ci maddəsində edilən dəyişikliyə əsasən, Naxçıvan Muxtar Respublikasının iqtisad məhkəməsi ümumi və ixtisaslaşdırılmış məhkəmələrlə əvəz olunur.

"Dəyişiklikdə deyilir ki, NMR-in ümumi və ixtisaslaşdırılmış məhkəmələri qanunla səlahəhiyyətlərinə aid edilmiş işlər üzrə birinci instansiya məhkəmələridir", - Parlamentin Hüquq siyasəti və dövlət quruculuğu komitəsinin sədri Əli Hüseynli bildirib.