...

Azərbaycan təyyarəsinin Əfqanıstanda qəzaya uğraması ABŞ-ı Bakının mühüm rolunu bir daha qiymətləndirməyə məcbur etməlidir - Ariel Koen

Siyasət Materials 15 İyul 2011 13:36 (UTC +04:00)
Azərbaycan təyyarəsinin Əfqanıstanda qəzaya uğraması ABŞ və NATO-ya koalisiya üzrə digər müttəfiqlərin Əfqanıstandan getdiyi bir vaxtda Azərbaycanın NATO və ABŞ hərbçilərinə göstərdiyi vacib köməyi xatırlatmalıdır.
Azərbaycan təyyarəsinin Əfqanıstanda qəzaya uğraması ABŞ-ı Bakının mühüm rolunu bir daha qiymətləndirməyə məcbur etməlidir - Ariel Koen

Azərbaycan, Bakı, 15 iyul /Trend, müxbir E.Tariverdiyeva/

Azərbaycan təyyarəsinin Əfqanıstanda qəzaya uğraması ABŞ və NATO-ya koalisiya üzrə digər müttəfiqlərin Əfqanıstandan getdiyi bir vaxtda Azərbaycanın NATO və ABŞ hərbçilərinə göstərdiyi vacib köməyi xatırlatmalıdır. "İrs" Fondunun Rusiya, Avrasiya və beynəlxalq enerji siyasəti problemləri üzrə aparıcı ekspert Ariel Koen belə hesab edir.

"Bu yaxınlarda təyyarənin qəzaya uğraması NATO üzrə tərəfdaşlar və Bakı üçün təkcə faciə deyil, həm də bizi bu ölkənin ABŞ üçün oynadığı və gələcəkdə oynayacağı mühüm rolu qiymətləndirməyə məcbur etməlidir", - Koen qeyd edib.

Azərbaycan ABŞ və NATO qoşunları və yükləri üçün Əfqanıstanda tədarüklərin Şimal şəbəkəsi (NDN), daha dəqiq desək, onun cənub qolu vasitəsilə tranzit məntəqəsidir, - Koen bildirib.

Onun sözlərinə görə, Əfqanıstanda missiya ilə yanaşı, Azərbaycan və ABŞ təhlükəsizlik sahəsində və iki ölkənin silahlı qüvvəlləri arasında əməkdaşlıq çərçivəsində strateji tərəfdaşlığı inkişaf etdirməyi planlaşdırırlar. Bu tərəfdaşlıq Azərbaycanın Xəzər dənizində güclü enerji infrastrukturunun qorunması və Xəzər dənizindən neft və qazın Avropaya nəqli üçün töhfə olacaq.

"Bütün bunları nəzərə alaraq, Azərbaycan ABŞ-ın təkcə Bakının Əfqanıstanda özünü etibarlı tərəfdaş kimi göstərməsinə görə deyil, həm də Xəzərin enerjidaşıyıcılarının tədarükünün təmini üçün lazım olan strateji müttəfiq kimi dəstək göstərməkdə davam etməli olduğu dövlətlərdən biridir, - ekspert bildirib.

"ABŞ-ın Azərbaycan ilə tərəfdaşlıq münasibətləri Avropanın Rusiyadan neft və qaz asılılığını azaltmağa da kömək edə bilər. Bakı Vaşinqton üçün öz qonşuları - İran və Rusiya ilə münasibətlərdə faydalı tərəfdaş ola bilər, eləcə də qlobal terrorizmlə mübarizədə fəal iştirak edən dünyəvi müsəlman dövlətinin modeli kimi xidmət edə bilər", - Koen qeyd edib.

İyulun 5-də Əfqanıstanda qəzaya uğrayan Azərbaycanın "Silk Way" aviaşirkətinin İL-76 4K-AZ 55 təyyarəsinin 9 ekipaj üzvündən beşi Azərbaycan vətəndaşı, qalanı Özbəksitan vətəndaşı olub.

Bakı-Baqram marşrutu ilə hərəkət edən və saat 21:26-da (yerli vaxtla) havaya qalxan təyyarənin göyərtəsində Heydər Əliyev beynəlxalq hava limanından qəbul etdiyi 18 ton yük olub.

Yük tutumu 40 ton olan təyyarə 2005-ci ildə tikilib və 2011-ci ilin fevralında tam texniki baxışdan keçib. 2011-ci ilin iyununda o, növbəti texniki baxışdan keçib.

"Əfqanıstanda Azərbaycan təyyarəsinin "Taliban" tərəfindən vurulması əsas versiyalardan biridir", - hadisənin araşdırılması üzrə komissiyanın rəhbəri, "Azərbaycan Hava Yolları" QSC-nin baş direktor müavini İlham Əmirov mətbuat konfransında deyib.

Xəbər lenti

Xəbər lenti