Azərbaycan, Bakı, 28 dekabr /Trend, müxbir E.Mehdiyev/
ATƏT-in media azadlığı üzrə nümayəndəsi Dunya Miyatoviç Azərbaycanda həbs edilmiş iki jurnalist və bloqqerin azadlığa buraxılmasını alqışlayıb.
Trend ATƏT-in rəsmi saytına istinadən xəbər verir ki, Miyatoviç bunu jurnalistlərin azad şəkildə fəaliyyətinə şərait yaradılmasına kömək edə biləcək addım kimi dəyərləndirib.
Qeyd edək ki, dekabrın 26-da Azərbaycan Prezidenti İlham Əliyev 87 məhkumun əfv edilməsi barədə sərəncam imzalayıb. Onlardan azadlıqdan məhrum etmə cəzasına məhkum edilmiş şəxslərdən 79-u cəzanın çəkilməmiş hissəsindən, 4 nəfər islah işləri cəzasının çəkilməmiş hissəsindən, 4 nəfər isə cərimə cəzasından azad edilib.
Qeyd edək ki, əfv olunanlar arasında jurnalistlər Aydın Canıyev və Anar Bayramlı, hüquq müdafiəçiləri Vidadi İsgəndərov və Taleh Xasməmmədov, müxalifətçi Şahin Həsənov da var.