Bakı. Anaxanım Hidayətova - Trend:
ABŞ beynəlxalq səviyyədə tolerantlıq məsələlərinin təşviqi üzrə Azərbaycanın səylərini alqışlayır.
Bunu Trend-ə ABŞ-ın Azərbaycandakı səfiri Robert Sekuta aprelin 25-27-də Bakıda keçiriləcək BMT Sivilizasiyalar Alyansının 7-ci Qlobal Forumunu şərh edərkən deyib.
Onun sözlərinə görə, Azərbaycan dünyada multikulturalizmə hörmət kimi ənənələrlə, həm də müxtəlif dini və etnik qrupları qəbul etmək bacarığı ilə tanınır: "Azərbaycanın təcrübəsi üzləşdiyimiz problemlərlə mübarizəyə kömək etmək üçün çox vacibdir".