...

Ekspert: Azərbaycan D-8 sammitinin güclənməsində vacib rol oynaya bilər

Siyasət Materials 21 Oktyabr 2017 11:40 (UTC +04:00)
Azərbaycanın D-8 sammitində iştirak etməsi bir daha sübut edir ki, qardaş ölkə bu formatın güclənməsində vacib rol oynaya bilər
Ekspert: Azərbaycan D-8 sammitinin güclənməsində vacib rol oynaya bilər

Bakı. Rufiz Hafizoğlu - Trend:

Azərbaycanın D-8 sammitində iştirak etməsi bir daha sübut edir ki, qardaş ölkə bu formatın güclənməsində vacib rol oynaya bilər.

Bunu Trend-ə Paris Universitetinin Mədəni diplomatiya kafedrasının müdiri, Strateji Araşdırmalar Diplomatiya Mərkəzinin rəhbəri, ekspert Naciye Selin Şenocak Azərbaycan Prezidentinin D-8 sammitində xüsusi qonaq qismində iştirakını şərh edərkən deyib.

Onun sözlərinə görə, buna qədər Azərbaycan BMT-də bir sıra vacib təşəbbüslərlə çıxış edib ki, bu təşəbbüslər də sülhün bərpa olunmasına xidmət edə, eləcə də bütün İslam dünyasına nümunə ola bilər.

N.S.Şenocak vurğulayıb ki, D-8 sammitinə lazımi diqqət verilsə, bu qurum Şanxay Əməkdaşlıq Təşkilatı kimi güclənə bilər. O, həmçinin qeyd edib ki D-8 Avropa İttifaqına alternativ bazar ola bilər.

Qeyd edək ki, oktyabrın 20-də İstanbulda İnkişaf etməkdə olan səkkiz ölkənin İqtisadi Əməkdaşlıq Təşkilatının (D-8) “Əməkdaşlıq yolu ilə imkanları artırmaq” devizi altında IX Zirvə görüşü keçirilib.

Azərbaycan Prezidenti İlham Əliyev Türkiyə Prezidenti Rəcəb Tayyib Ərdoğanın dəvəti ilə xüsusi qonaq qismində Zirvə görüşündə iştirak edib.

Xəbər lenti

Xəbər lenti