Bakı. Trend:
Fələstin Azərbaycanın öz müstəqilliyini bərpa etməsindən sonra onunla diplomatik münasibətlər quran ilk ölkələrdən biridir.
Trend-in məlumatına görə, bu barədə Azərbaycan xarici işlər naziri Ceyhun Bayramov Fələstin xarici işlər naziri Riyad Əl-Maliki ilə birgə keçirdiyi brifinqdə deyib.
"Bu gün həmkarımla çox məhsuldar görüşümüz oldu. Bu müzakirələr əlaqələrimizin daha da inkişaf etdirilməsi üçün ortaq məqsədlərə əsaslanırdı", - nazir vurğulayıb.