Latviya prezidenti Vayra Vike-Freyberqi oktyabrın 2-4-də gözlənilən Azərbaycana səfəri zamanı 50 sahibkarın müşaiyət edəcəyi gözlənilir. Azərbaycanın Xarici İşlər Nazirliyindən Trend ə verilən məlumata görə, sahibkarlar əsasən, logistika, telekommunikasiya və bank sektorunu təmsil edəcəklər.
Onların azərbaycanlı həmkarları ilə danışıqlar aparacaqları və Bakıda təşkil olunacağı gözlənilən biznes-forumda iitirak edəcəklər.
Latviya prezidentinin səfəri zamanı müşaiyət edənlərin tərkibinə iqtisadiyyat naziri Krişyanis Karinş (Krisjanis Karins), nəqliyyat naziri Aynar Şlesers (Ainars Slesers), mədəniyyət naziri Helena Demakova (Helena Demakova) da daxildir.