Azərbaycan Respublikasının prezidenti İlham Əliyev Niderland Krallığının milli bayramı - Kraliça günü münasibəti ilə kraliça Ülyahəzrət Beatriksə təbrik məktubu göndərib. Trend in məlumatına görə, məktubda İlham Əliyev Kraliça Beatriksə səmimi təbriklərini və xoş arzularını çatdırıb. O, əmin olduğunu bildirib ki, Azərbaycan və Niderland Krallığı arasındakı dostluq və əməkdaşlıq münasibətləri, ikitərəfli əlaqələr daim öz əhatə dairəsini genişləndirərək xalqlarımızın rifahına töhfələr verəcək.
İlham Əliyev kraliçaya cansağlığı, işlərində uğurlar, Niderland xalqına əmin-amanlıq və firavanlıq diləyib.