Axırıncı beş ilin 4-5 ayını Kür daşqınlarından ziyan çəkən Salyan və Neftçala əhalisi indi də su çatışmazlığı problemi ilə üzləşib. Belə ki, son vaxtlar Kür çayıqnda suyun səviyyəsi kəskin azalır, ən dərin yerdə 2,5-3 metrə çatıb. Halbuki həmin yerlərdə əvvəllər dərinlik 8-10 metr olub. Suyun azalması nəticəsində sahil qayalqları uçmağa başlayıb, üzərində Kürdən çuyu çəkən elektrik mühərrikləri olan salları (panton) çayda yerləşdirmək mümkünsüzləşib.
Bostan-tərəvəz bitkilərinin, əkinlərin ən çox su tələb etdiyi indiki vaxtda əhali həm də məişətdə istifadə etdiyi sudan məhrum olub. İmkanı çatanlar isə bir maşın suyu 5-6 manata alırlar. Mütəxəssislərin dediyinə görə, baş verənlərə səbəb Minqəçevir SES-dən Kürə büraxılan suyun həcminin azalmasıdır. Elektrik stansiyasında trubinləri işlətmək üçün su anbarında səviyyənin aşağı salınmasının mümkünsüzlüyü Kürdə suyun azalması problemini törədib.
