Türkiyənin xarici işlər naziri Abdulla Gül ölkənin türkdilli dövlətlərdə akkreditə olunmuş səfirlərinin görüşünün keçirilməsi təşəbbüsü ilə çıxış edib. Trend in xəbər verdiyi kimi, "müşavirə" xarakteri daşıyacaq görüşdə Türkiyənin Azərbaycan, Qazaxıstan, Qırğızıstan, Özbəkistan, Türkmənistan və Tacikistandakı səfirləri iştirak edəcək.
Türkiyə XİN-in məlumatında qeyd olunur ki, görüş noyabrın 21-də Ankarada keçiriləcək və müşavirə zamanı iqtisadi, sosial və mədəni əlaqələrin inkişafı ilə bağlı məsələlər müzakirə olunacaq.