Azərbaycanda tərəfdaşlarla görüşlər uğurla keçdi. Bu barədə ATƏT DİİHB direktou Kristian Ştroxal Azərbaycandakı iki günlük səfərinin nəticələri barədə jurnalistlərlə görüşdə bildirib.
Azərbaycan Mərkəzi Seçki Komissiyasının başçısı Məzahir Pənahovla görüşdən sonra K.Ştroxal jürnalistlərə bildirib ki, onun səfəri dostları və tərəfdaşları ilə görüşməyə yönəlib. Məqsəd əməkdaşlığın möhkəmləndirilməsi imkanlarını müzakirə etmək olub. ATƏT nümayəndəsi qeyd edib: "Bu o deməkdir ki, əvvəlki tövsiyələrimizdən çıxış edərək biz gələn il də əməkdaşlığımızı inkişaf etdirmək istəyirik. Biz ötən təcrübəmizi və bu təcrübəni gələcəkdə necə təkmilləşdirməyi müzakirə etmişik".