...

Hacı Sabir Həsənli: "ABŞ dövlət katibinin nümayəndəsi ilə Azərbaycanda dini tolerantlıq məsələsini müzakirə etdik"

Siyasət Materials 6 Fevral 2007 13:34 (UTC +04:00)

Azərbaycanda səfərdə olan ABŞ dövlət katibinin müşavirinin müavini Hollin Qrafi fevralın 6-da Bakı İslam Universitetinin rektoru Hacı Sabir Həsənli ilə görüşüb. Bu barədə Trend ə açıqlamasında Hacı Sabir Həsənli bildirib.

Onun sözlərinə görə, görüşdə Azərbaycanda olan dini və milli zəmində olan tolerantlıq, din- dövlət münasibətləri müzakirə olunub.

"Bundan başqa ABŞ-ın islam sahəsində çalışan universitetləri və elm adamları ilə Bakı İslam Universitetinin əlaqələri, birgə məşvərət və ya mütəxəsislərdən ibarət birgə əməkdaşlıq qrupunun yaradılması məsələsini müzakirə etdik", -deyə H.S.Həsənli bildirib.

O qeyd edib ki, görüşdə ABŞ-ın islam təşkilatlarının və məscidlərinin fəaliyyətinin Azərbaycanda işıqlandırılması və ölkəmizdəki dini gerçəkliklərin Amerikada təbliğ olunması və nümayiş olunması sahəsində yaradılacaq birgə əməkdaşlıq qrupunun görə biləcəyi işlərə dair fikir mübadiləsi aparılıb.

H.S.Həsənlinin sözlərinə görə, nəşr olunan vəsaitlərin və video materalların qarşılıqlı mübadiləsi məsələsi, ABŞ müsəlmanları haqqında məlumatların Bakı İslam Universitetinə təqdim olunması, yaradılacaq əməkdaşlıq qrupu vasitəsi ilə həmin materalların televiziyalarda nümayiş olunması məsələsi də müzakirə olunub.

"Belə bir təkilf də səsləndirildi ki, ABŞ-dan mütəxəsislər dəvət olunsunlar və ondara burada dərs desinlər. Lakin biz bildirdik ki, buna ehtiyac yoxdur. Ona görə ki, öz mütəxəsislərimiz var", -deyə İslam Universitetinin rektoru vurğulayıb.

Görüşdə Azərbaycandan nümayəndə heyətinin ABŞ səfər etməsi, Amerikadan gələn mütəxəsislərin iştirakı ilə konfransların keçirilməsi məsələsi də müzakirə olunub. "Lakin bunlar hələlik təklif şəkilindədir", - deyə H.S.Həsənli əlavə edib.

Xəbər lenti

Xəbər lenti